19 ноя 19:29
Янгиликлар

Теннис

Мария Тимофеева Люксембург турниридаги юришини бошлади

Ўзбекистоннинг биринчи ракеткаси Люксембургнинг Петанж шаҳрида давом этаётган теннис бўйича ITF W75 турнирида қатнашиши ҳақида хабар берган эдик.

Бироз аввал Россиядан маҳаллийлаштирилган теннисчимиз биринчи даврада унчалик қийин бўлмаган ғалабасини нишонлади. 22 ёшли Тимофеева 1/16 финал учрашувида испаниялик Мария Мартинес Вакерога қарши кортга чиқди. Мариялар баҳси 101 дақиқа давом этди ва якунда ҳамюртимизнинг ғалабаси билан якунланди - 6/2, 6/3.

Маълумот учун, Мария Тимофеева ҳозирда WTA рейтингида 151, 23 ёшли Мартинес Вакеро эса 570-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Турнирда олтинчи рақам остида таснифланган Тимофеева эртага 1/8 финалда WTA рейтингида 440-поғонада бораётган германиялик Мина Ходжичга қарши кортга чиқади.