Марракешдаги турнирда финалчилар маълум

Бош соврин учун испаниялик Роберто Карбальес Баэна француз Александр Мюллерга қарши кортга чиқади. Биринчи ярим финал учрашувида ATP рейтингида 82-поғонада бораётган Роберто Карбальес-Баэна дунёнинг 30-ракеткаси, британиялик Дэниэл Эвансни 2/6, 6/4, 6/2 ҳисобларида мағлуб этди. 

Бу теннисчиларнинг ўзаро ўтказган илк учрашуви эди. Икки соату 36 дақиқа давом этган баҳсда Карбальес-Баэна 1, Эванс эса 2 та эйс зарбасини амалга оширган. Испаниялик 30 ёшли теннисчи 2018 йилдан бери илк бор ATP турнири финалида ўйнайдиган бўлди. У Grand Prix Hassan II бош соврини учун россиялик Павел Котовдан устун келган Александр Мюллерга қарши кортга чиқади.