Маррей етакчилигидаги жамоа "Британияликлар жанги" кўргазмали турнирида ғалаба қозонди

Биринчи ўйин кунидан сўнг ҳисоб тенглашганди - 1:1. Пайшанба куни Энди Маррей Дениэль Эвансга мағлуб бўлди(4/6, 6/3, 8:10), Эйден Макхью эса Пол Жаббга (2/6, 2/6) ютқазди. Жуфтлик баҳсининг дастлабки ўйинида Пол Жабб ва Нил Скупски Жейми Маррей ва Жонни О'Маройни мағлуб этишди (6/4, 5/7, 10:6), шундан сўнг ака-ука Маррейлар тандем ҳосил қилган ҳолда иккинчи жуфтлик ўйинида кортга чиқиб, Эванс ва Скупскини 6/3, 6/ 4 ҳисобида мағлубиятга учратишди. Биринчи яккалик ва жуфтлик баҳсларида икки очко, иккинчисида уч очко ўйналди.

Турнирдан сўнг Энди Маррей акаси билан жуфтлик ўйини улар биргаликда ўйнаган охиргиси бўлиши мумкинлигини айтди:

«Албатта, бундай эмас деб умид қиламан. Лекин биз бундай лаҳзаларга шундай муносабатда бўлишимиз керакки, гўё бундай имконият бошқа пайдо бўлмайди. Ахир биз аста-секин олға боряпмиз ва сиз олдиндан сизни нима кутаётганини ҳеч қачон билмайсиз", - деди "Катта Дубулға" турнирларининг уч карра чемпиони BBC'га берган интервьюсида.