24 авг 11:32
Янгиликлар

Теннис

Мартон Фучович Winston-Salem Open чемпиони!

Теглар : Мартон Фучович Winston-Salem Open

АҚШнинг Уинстон-Сейлем шаҳрида теннис бўйича нуфузли ATP турнири якунига етди.

Мусобақа бош соврини венгриялик Мартон Фучовичга насиб этди. ATP рейтингида 94-поғонада борган Мартон ҳал қилувчи финал учрашувида рейтингда ўзидан икки поғона юқорида бораётган нидерландиялик Ботика ван де Зандшульпни мағлубиятга учратди - 6/3, 7/6(3).

Фучович бу ғалабаси эвазига теннисчиларнинг ўзаро учрашувларидаги ҳисоб мувозанатини ҳам тиклаб қўйди - 2:2. Бир соату 52 дақиқа давом этган баҳсда Фучович 4, Зандшульп 2 та эйс зарбасини амалга оширган. Иккала теннисчи ҳам 3 тадан қўшхатога йўл қўйди. Брейклар бўйича устунлик табиийки, ғолиб теннисчи фойдасига бўлди - 4 га 3.

Мартон Фучович АҚШ турниридаги муваффақиятли иштирокидан 109 640 доллар мукофот пули ҳамда 250 рейтинг очкоси ишлаб олди. Бу 33 ёшли венгер учун фаолиятидаги учинчи ATP соврини бўлди. У шу йил Қатардаги "Челленжер" турнирида ҳам бош совринга эга чиққанди.