14 июн 17:41
Янгиликлар
Бокс/ММА
Марвин Веттори: Менга Адесанья билан реванш беринглар!
Ўрта вазнда UFC жангчиси Марвин Веттори бугун ғалабага эришганди.
Италиялик спортчи америкалик Карл Роберсонга қарши жангда чиройли ғалабани қўлга киритди. Жангдан кейин эса промоушен президенти Дэна Уайтдан вазн чемпиони Исраэль Адесаньяга қарши реванш жанги ташкил этиб беришларини сўради.
"Бугунги жангга жиддий тарзда тайёргарлик кўргандим. Ғалаба меҳнатим учун келган совға бўлди. Билмадим, ҳамма мен билан жанг қилишдан қочади. Ҳозирги ҳолатда мен битта жанг керак - чемпионлик! Менга Исраэль Адесанья билан реванш жангини беринглар!", — деди Веттори.
Маълумот учун, Марвин Веттори ва Исраэль Адесанья ўртасидаги илк жанги 2018 йилда бўлиб ўтганди. Ўшанда Исраэль рақибини қийинчилик билан 2:1 ҳисобида мағлуб этган эди.
Ҳавола :
Фикрлар