09 июл 18:36
Янгиликлар

Бокс/ММА

Машрабжон Рўзибоевнинг кейинги рақиби UFC собиқ жангчиси бўлади

Ўзбекистонлик аралаш якка кураш устаси Машрабжон Рўзибоевнинг навбатдаги жанги тафсилотлари аниқ бўлди.

Ҳамюртимиз 11 июль куни Россия Федерацияси пойтахти Москвада жойлашган Vegas City мажмуасида ташкил этиладиган Open FC 67 турнирида иштирок этади.

Машрабжонга турнир доирасида бразилиялик Габриэль Миранда рақиблик қилади.

Машрабжон Рўзибоев — UFC жангчиси Нурсултон Рўзибоевнинг укаси. У Open FC мухлислари орасида яхши танилган бўлиб, ташкилотда учта жанг ўтказган. Кичик Рўзибоев фаолияти давомида 20 та ғалабага эришган, уларнинг 17 таси муддатидан олдин якунланган. У 2023 йилдан буён илк бор октагонга қайтмоқда.

"Учувчи" лақаби билан танилган Габриэль Миранда UFC собиқ жангчиси ҳисобланади. У дунёнинг энг кучли лигасида тўртта жанг ўтказган, шунингдек, шунингдек, Brave CF лигасида ҳам иштирок этган.