Масвидалнинг мураббийи Абу-Дабига учмади, жанг ўтказилади!

Хабарда айтилишича, Брауннинг БААга учиш олдидан топширган тест таҳлили ижобий натижа берган. Хорхе эса бу вазиятда мураббийисиз сафарга жўнаб кетган. Чемпион Камару Усманга қарши жангда Масвидалнинг бурчагида мураббийи бўлмайди. Лекин жангнинг ўзи аниқ ўтказилади. 

"Афсуски, шундай бўлиб қолди. Мен ўз кўзим билан Хорхенинг ғалабасини кўра олмайман. Коронавирусга келсак, мен ўзимни яхши хис қиляпман", — деди Браун.

Бу хабарни Хорхенинг менежери Малки Кава ҳам тасдиқлади: "Хорхе Абу-Дабига мураббийи Майк Браунсиз отланмоқда", — деб Инстаграм саҳифасида хабар қолдирган Кава.

Хорхе шахсий самолётда Абу-Дабига жўнаб кетган ва йўл-йўлакай Римда тўхтаган. "Пицца ейиш учун иштаха пайдо бўлиб қолди. Шу боис, Рим аэропортига бир зум қўниб ўтишга тўғри келди", — дея Инстаграмга сурат ва унинг остида изоҳ қолдирган Масвидаль.