Мавлуд Тифиевнинг жанги бекор қилинган Core FC 1 турнирида бошқа бир вакилимиз октагонга чиқди

Мусобақа доирасида икки ўзбекистонлик аралаш яккакураш устаси — Мавлуд Тифиев ва Магомед Магомедов октагонга кўтарилиши керак эди. Бироқ турнирдан олдинги вазн ўлчаш маросимида Тифиевнинг рақиби Эрдем Таҳа Динчер белгиланган вазн меъёрини бажара олмади ва оқибатда беллашув бекор қилинди.

Магомед Магомедов эса турнирда озарбайжонлик Фарид Алибабазаде билан жанг қилди. Баҳс иккинчи раунд охирида Фариднинг нокаут орқали қўлга киритган ғалабаси билан якунига етди.

Шу тариқа, 26 яшар Магомед фаолиятидаги 12-жангида 3-мағлубиятини қабул қилиб олди. Унинг ҳисобида 9 та ғалаба бор. Фарид Алибабазаденинг рекорди эса энди 13-8-1 ни ташкил этмоқда.