20 окт 10:18
Янгиликлар

Бокс/ММА

Мавлуд Тифиевнинг ONE FC'даги бешинчи жанги янада жиддий рақибга қарши бўлади. Жанг санаси маълум

27 октябрь куни Таиланд пойтахти Бангкок шаҳридаги Lumpinee Boxing Stadium'да ONE Lumpinee 38 турнири бўлиб ўтади.

Эътиборлиси, мазкур мусобақада ярим енгил вазн тоифасида ўзбекистонлик муай-тайчи Мавлуд Тифиев ҳам навбатдаги муай-тай жангини ўтказади. Ҳамюртимизга ўша куни таиландлик Йодпхупа Виманаир рақиблик қилади.

Таиландлик Йодпхупа фаолияти давомида умумий 75 та муай-тай жангини ўтказган ва уларнинг 63 тасида ғалаба қозонган, тўққизта жангда мағлуб бўлган. Яна бир жанги эса дуранг билан якунланган. У сўнгги жангини август ойида Антар Касемга қарши ўтказиб, нокаутга учраган.

Мавлуд Тифиев эса 27 октябрь куни ONE FC лигасидаги ўзининг бешинчи жангини ўтказади. У бунгача ушбу лигада иккита ғалаба ва иккита мағлубият қайд этган. Мавлуд сўнгги жангини июль ойида Рэмбо Печ Порторорга қарши ўтказиб, ҳакамларнинг якдил қарори билан ғалаба қозонган эди.