07 дек 13:51
Янгиликлар
Бокс/ММА
Махачев Пётр Ян - Мераб Двалишвили жангига муносабат билдирди
Вазн тоифасидан қатъи назар дунёнинг энг яхши жангчиси Ислам Махачев ҳамюрти Пётр Яннинг бугунги муваффақиятли иштирокини эътибордан четда қолдирмади.
Ян шу йилнинг ўзида камарини тўртинчи бор ҳимоя қилган грузиялик Мераб Двалишвили устидан ишончли ғалабага эришди ва ўта енгил вазн тоифасида UFC чемпионлик камарини қайтариб олди.
"Мераб, сен бу "қафас"га кирган энг буюк жангчилардан бирисан. Ян, табриклайман. Петя, сен бунга лойиқсан!", - деб ёзди Махачев ўзининг ижтимоий тармоқдаги саҳифасида.
Бугун тонгда Лас-Вегасда бўлиб ўтган UFC 323 турнирининг асосий жанги тўлиқ беш раунд давом этган ва якунда Ян ҳакамларнинг якдил қарори билан 48-47, 49-46, 49-46 ҳисобларида ғалаба қозонганди. 32 ёшли Пётр Ян деярли беш йиллик танаффусдан сўнг яна UFC чемпионига айланди. У Мерабдан 2023 йилги мағлубияти учун ҳам реванш олди.
Ҳавола :
Манба : fighttime
Фикрлар