Махачев Хабиб сингари фаолиятини якунлайдими? Исламнинг ўзи жавоб берди

Ёдингизда бўлса, Хабиб Нурмагомедов учта чемпионлик ҳимоясидан кейин профессионал фаолиятини якунлаган ва ўз қарорини онасининг илтимоси билан амалга ошганини изоҳлаганди. 

"Фаолиятимни якунлаш ҳақида ўйлаётганим йўқ. Боиси, ҳали якунига етмаган ишлар бор. Мен иккинчи вазндаги чемпионлик камарини ҳам қўлга киритишни мақсад қилганман. Кейин шу камарни ҳимоя қиламан, шундан сўнг яна вазнимга қайтиб, ҳозир қўлимда турган чемпионлик унвонини ҳимоя қилмоқчиман. Ҳали ўзимни яхши хис қиляпман. Даражамдан пастга тушишни сезишим билан фаолиятимни якунлаш ҳақида қарор қабул қиламан. Бундан ҳавотир олманг. Ҳозирча ғалабаларга оч ва ташнаман", - деди Махачев. 

Маълумот учун, Ислам Махачев 2022 йилнинг октябрь ойида енгил вазнда вакант қолган UFC чемпионлик камарини қўлга киритган эди. Ўшанда у иккинчи раундда Чарльз Оливейрани бўғиб қўйганди. Шундан кейин у икки бор чемпион Александр Волкановскини мағлуб этишни уддалади. Учинчи ҳимоя жанги 1 июнь куни АҚШнинг Ньюаркида ташкил этиладиган UFC 302 турнирида Дастина Порьега қарши бўлиб ўтади.