03 апр 09:55
Янгиликлар

Бокс/ММА

"Махачевни нокаут қилиб, Эквадордан биринчи чемпион бўлишим мумкин" - мағлубиятсиз UFC жангчиси

26 ёшли UFC жангчиси, ярим ўрта вазн тоифаси рейтингида учинчи ўринни эгаллаб турган эквадорлик Майкл Моралес Ислам Махачевни нокаут орқали мағлуб этишига ишонч билдирди.

"Мен Махачев билан жангга 100% тайёрман. Агар бугун менга чемпионлик жанги ҳақида айтишса, эртага жанг қилишга жангга рози бўламан. Агар бундай бўлмаса — ўз вақтимни кутаман. Махачев аллақачон иккита камарга эга. У ажойиб иш қилди. Лекин мен ҳам UFC камарини қўлга киритиб, Эквадордан биринчи чемпион бўлишни истайман.

Мен Исламни нокаут қилишим мумкинми? Ҳа. Мен кимнидир нокаут қиламан деб айтишим одатий эмасдек эшитилиши мумкин. Лекин зарбаларимни шунчаки теккизиб қўйиш учун йўлламайман. Ҳар бир зарбам рақибни нокаут қилиш учун йўлланади. Ва бу содир бўлади. Мен ҳақиқатан ҳам Махачевни нокаут қила олишим мумкинлигини кўряпман", — деди Моралес MMAJunkie’га.