Майами. Елена Рибакинанинг муваффақиятли юриши давом этади

Жаҳоннинг 7-ракеткаси қозоғистонлик Елена Рибакина WTA рейтингида 64-ўринни эгаллаб турган россиялик Анна Калинскаяга қарши кортга чиқди. 

Учрашувда Рибакина 7/5, 4/6, 6/3 ҳисобида зафар қучди. Ўйин 2 соату 16 дақиқа давом этди. Баҳс давомида Рибакина 14 та эйс, 7 та қўшхато ва 5 та брейк қайд этган бўлса, Калинская 1 та эйс амалга ошириб, икки бор қўшхатога йўл қўйди ҳамда тўртта брейкдан унумли фойдаланди.

Энди Рибакина учинчи даврада Испания вакили Паула Бадосага (дунёнинг 21-ракеткаси) қарши баҳс олиб боради.

Эслатиб ўтамиз, Майами "Мастерс"ининг соврин жамғармаси 8 800 000 АҚШ долларини ташкил этади.Турнир 2 апрелга қадар давом этади. Турнирнинг амалдаги ғолиби польшалик Ига Свёнтек ҳисобланади.