25 мар 12:47
Янгиликлар

Теннис

Майами "Мастерс". 23 та эйс Димитровнинг ғалабасини таъминлади

АҚШнинг Майами шаҳрида теннис бўйича "Мастерс" сериясига кирувчи нуфузли турнир давом этмоқда.

Miami Open мусобақасида тўртинчи давра иштирокчилари аниқланяпти. Дунёнинг 12-ракеткаси бўлиб турган болгариялик Григор Димитров учинчи босқичда ATP рейтингида 44-поғонадан жой олган чилилик Алехандро Табилони мағлубиятга учратди - 6/7(5), 7/6(5), 6/2.

Бу теннисчиларнинг ўзаро ўтказган илк учрашуви эди. Икки соату 29 дақиқа давом этган баҳсда Димитров 23, Табило 18 та эйс зарбасини амалга оширган. Иккала теннисчи ҳам бир хилда 4 тадан қўшхатога йўл қўйган. Энди у Miami Open 1/8 финал чиптаси учун Янник Ганфманнга қарши кортга чиқади. Германиялик теннисчи учинчи даврада француз Адриан Маннаринодан устун келди - 3/6, 7/6(1), 6/4.