Майами "Мастерс". Биринчи ракетканинг юриши давом этади

Сайёрамизнинг биринчи ракеткаси Карлос Алькараз мусобақанинг тўртинчи давра иштирокчисига айланди. Испаниялик теннисчи 92 дақиқа давом этган учинчи давра учрашувида ATP рейтингида 76-поғонада бораётган сербиялик Душан Лайовични 6/0, 7/6(5) ҳисобида мағлуб этди. 

Теннисчиларнинг ўзаро учрашувларидаги ҳисоб янада йириклашди - 4:0. Алькараз 3 та эйс, 4 та брейкка эришди, қўшхатога йўл қўймади. Энди у 1/4 финал чиптаси учун Майами "Мастерс" турнирининг амалдаги чемпиони, АҚШ вакили Томми Полга қарши кортга чиқади.