09 июн 09:01
Янгиликлар

Бокс/ММА

Майк Тайсон АҚШдаги намойишларни қўллаб-қувватлади + ФОТО

Супероғир вазн тоифасида собиқ мутлақ жаҳон чемпиони Майк Тайсон Инстаграм саҳифасига маъноли сурат қўйди.

Суратда Темир Майк тиззасида чўккалаб ўтирган ҳолда афроамерикалик Жорж Флойднинг ўлимига таъзим келтирган. Бу билан у АҚШда давом этаётган намойишларни қўллаб-қувватлаган. Худди шундай суратни собиқ НФЛ ўйинчиси Колин Коперник ҳам қўйган эди.

Хабарингиз бор, Жорж Флойд полиция томонидан 20 долларлик қалбаки чекдан фойдаланганликда гумон қилиниб, қўлга олинган эди. Ўша вазиятда полиция офицерларидан бири Жоржни асфальтга ётқизиб, оёғи билан бўйнини олти дақиқа давомида ушлаб туради.

Натижада Флойд хушини йўқотади. Шифокорлар томонидан касалхонага етказилган қора танли Жоржнинг ҳаётини сақлаб қолишнинг имкони бўлмади. Бу нохуш воқеага АҚШнинг кўплаб шаҳарларида оммавий намойишлар бошланиб кетди.