15 ноя 14:24
Янгиликлар

Бокс/ММА

Майк Тайсон айни пайтда дунёнинг энг яхши боксчиси кимлигини айтди

Бокс афсонаси Майк Тайсон ҳозирги авлоднинг энг яхши боксчиси ким деган саволга жавоб берди.

"Теренс Кроуфорд Сауль Альваресга қарши жангига 40 миллион томошабин йиғди. Александр Усик Дюбуа билан сўнгги жангига қанча мухлис жалб қилди? Биргина шунинг ўзидан келиб чиқиб айтадиган бўлсам, Кроуфорд ўз авлодининг энг яхши боксчиси. Биласизми, кимни энг яхши деб билиш керак? Энг яхши бокс техникасига эга спортчини эмас, балки ўз жангларига энг кўп одамни жалб қила оладиган боксчини энг яхши деб аташ керак", - дея Тайсоннинг сўзларини келтиради Hardrock портали.

Эслатиб ўтамиз, сентябрь ойида Теренс Кроуфорд мексикалик Сауль Альваресни ҳакамларнинг якдил қарори билан мағлуб этиб, мексикаликка тегишли чемпионлик камарларини тортиб олганди. Ушбу ғалаба эвазига америкалик The Ring журналининг P4P рейтингида биринчи ўринга қайтган эди.