09 фев 13:23
Янгиликлар
Баскетбол
Майкл Жордан ЛеБрон Жеймснинг рекордига муносабат билдирди
Афсонавий баскетболчи Майкл Жордан «Лос-Анжелес Лейкерс» юлдузи ЛеБрон Жеймсни NBA'да очколар бўйича ўрнатган рекорди билан табриклади.
«Мен ЛеБронни ушбу ажойиб муваффақият билан табрикламоқчиман. Бу унинг меҳнатсеварлиги, чидамлилиги ва ажойиб маҳоратидан далолат беради», - дея Майкл Жорданнинг сўзларини келтиради TMZ Sports.
Эслатиб ўтамиз, кеча NBA мунтазам чемпионатининг навбатдаги ўйинидан сўнг, «Лос-Анжелес Лейкерс» ҳужумчиси ЛеБрон Жеймс карьерасидаги очколар сонини 38 388 тага етказиб, бу борада афсонавий Карим Абдул-Жабборнинг рекордини янгилаганди.
Маълумот учун, айни пайтда «Лейкерс» NBA Ғарбий конференция турнир жадвалида 13-ўринни эгаллаб турибди. «Лейкерс» ҳисобида 25 та ғалаба ва 30 та мағлубият бор.
Ҳавола :
Манба : championat.com
Фикрлар