Майкл Моралес Махачевни нокаут қилишга тайёр

Эквадорлик аралаш яккакураш устасининг икки вазнда UFC чемпионига айланган Ислам Махачевни нокаутга учратишига ишончи комил.

"Икки-уч йил Тихуанда бўласиз ва Ислам Махачевни қандай нокаут қилишни ўрганиб оласиз", - деб ёзди Моралес ижтимоий тармоқда россиялик жангчининг кураш ва Доғистон ҳақидаги машҳур гапини ўзгартириб.

Мағлубият нималигини билмай кетаётган 26 ёшли Майкл Моралес дунёнинг энг кучли лигасида Эквадор шарафини ҳимоя қилади, аммо ҳозирда Мексиканинг Тихуана шаҳрида яшайди ва ўз машғулотларини ўтказади.

Даъвогарлик жангида ғалаба қозонган бўлса-да, Моралесга навбатдаги баҳсида чемпионлик имконияти кафолатланмаган. Чунки россиялик билан жангга Илия Топурия, Камару Усман ва ҳатто ўтган ҳафта охирида собиқ чемпион Леон Эдвардсни ажойиб тарзда мағлуб этган Карлос Пратес ҳам даъвогарлик қилмоқда.