МБАнинг икки Конференциясида финалчилар аниқланди, амалдаги чемпионни тўхтатишди

Ғарбий конференцияда "Оклахома Сити Тандер" жамоаси "Денвер Наггетс" клубидан муросасиз кечган 7 ўйинлик серия якунларига кўра 4:3 ҳисобида устун келди. Бошқа бир баҳсда "Миннесота Тимбервульвз" жамоаси "Голден Стейт Уорриорз" тўсиғидан қийинчиликсиз ўтди - 4:1. 

Шарқий конференцияда эса кутилмаганда "Индиана Пейсерс" жамоаси фаворит саналган "Кливленд Кавалерс" жамоасини мағлуб этиши учун атиги 5 та ўйин етарли бўлди - 4:1. "Нью Йорк Никс" жамоаси эса амалдаги МБА чемпиони "Бостон Селтикс"ни 6 та ўйинда мағлуб этди - 4:2.

Шу тариқа Ғарбий конференция финалида "Оклахома Сити Тандер" жамоаси "Миннесота Тимбервульвз"га, Шарқий конференцияда эса "Индиана Пейсерс" клубии "Нью Йорк Никс"га қарши баҳс олиб боради. Икки конференция ғолиблари МБА финалига йўлланма олишади.