Медведев грунт кортида қўлга киритган илк титулидан сўнг: "Грунтдаги "Мастерс"ни ютишимга ишонмаган эдим"

Римдаги "Мастерс" финалида у Хольгер Руне устидан ғалаба қозонган эди — 7/5, 7/5.

"Мен ҳар доим ўзимга ишонишни, боримни беришни ва энг катта титулларни қўлга киритишни хоҳлайман. Лекин, ростини айтсам, грунтдаги "Мастерс"да ғалаба қозонишимга ишонмагандим. Мен бу турдаги кортни ёмон кўрардим, унда ҳеч нарса қила олмасдим.

Аммо Мадрид ва Монте-Карлода ўзимни яхши ҳис қилдим. У ердаги турнирларда шунчаки рақиблар яхшироқ ўйнагани учун ютқазгандим.

Кейин машғулотларда ҳам ўзимни ажойиб ҳис қилдим. Ҳатто мураббийга: "Нима бўлаётганини тушунмаяпман", -  деб айтдим. Лекин бундан кейин барибир энг кучли рақибларни мағлуб этишим керак эди ва мен ўзимга ва барчага буни уддалай олишимни исботлаганимдан хурсандман", - дея ғалабадан кейинги фикрлари билан ўртоқлашади Даниил.