Медведев "Катта учлик"нинг ўрнини боса оладиган икки теннисчини айтди

"Менимча, энг яхши танлов - Алькараз! У ўз тарихида биринчи рақамли ёш теннисчи эди. Бизда Новак, Рафа ва Рожер бор. У эса етиб олиш мумкин бўлган барча рекордларга етиб бўлди.

Уни Буэнос-Айресда кузатдим, менимча, унинг бундай даражасини олдин кўрмаганман. Унинг тўпга зарба бериши, "форхэнд"ни қандай кучда бераётгани - шунчаки иқтидор. Буни шунчаки машғулот орқали амалга ошириб бўлмайди. У ҳали кўплаб совринларни ютиши мумкин. Лекин Карлос ҳам баъзида мағлуб бўлиб туради. Жароҳатлар бўлади. Фаолият қандай давом давом этишини барча ҳам билмайди.

Сўрадингизми айтаман, Карлосни танлайман. Ҳали жуда ҳам ёш Хольгер Руне "Мастерс"ни ютиб бўлди. Майли бугун унинг оёғида чарчоқ сезилган бўлса-да, умуман олганда яхши ўйин кўрсатмоқда.

Теннис ўйнаш осон эмас. Эртага нима бўлишини билиб бўлмайди. Танлаш имконияти тақдим этилса, уларни танлаган бўлардим: ҳали ёш ва рейтингда қолганлардан кўра юқорида", - деди Медведев.