Медведев Paris Masters финалида ўйнайди

Мусобақанинг ярим финал учрашувида сайёрамизнинг бешинчи ракеткаси Даниил Медведев рейтингнинг 17-поғонасини эгаллаб турган канадалик Милош Раонични 6/4, 7/6(4) ҳисобларида мағлуб эта олди.

Бир соату 37 дақиқа давом этган баҳсда 24 ёшли Медведев 7 та, 29 яшар Раонич эса 12 та эйс зарбани амалга оширди. Теннисчиларнинг ўзаро иккинчи учрашувида ҳам россиялик ракеткаси устасининг қўли баланд келди. 

Бугун Даниил Медведев Rolex Paris Masters турнирининг бош соврини учун германиялик Александр Зверевга қарши кортга чиқади. Олмон теннисчиси ярим финалда грунт қироли, дунёнинг иккинчи ракеткаси Рафаэль Надални шов-шувли тарзда мағлубиятга учратди.