11 фев 07:36
Янгиликлар

Теннис

Медведев - Sofia Open турнири ғолиби!

Болгариянинг София шаҳри мезбонлик қилган теннис бўйича нуфузли турнир якунланди.

Мусобақанинг ҳал қилувчи финал учрашувида россиялик Даниил Медведев ва венгриялик Мартон Фучович ўзаро тўқнаш келишди. Дунёнинг 16-ракеткаси бўлиб турган Медведев София турнирининг сўнгги баҳсида қийинчиликка дуч келмади.

Бир соату 21 дақиқа давом этган учрашувда Даниил рейтингнинг 47-поғонасидан жой олиб турган Фучовичдан 6:4, 6:3 ҳисобида устун келди. Бу россиялик теннисчи учун фаолиятидаги тўртинчи ATP турниридаги соврин бўлди. Sofia Open мусобақасидаги иштирок Медведевга 90 390 доллар мукофот пули ҳамда 250 рейтинг очкосини тақдим этди.