21 дек 14:53
Янгиликлар

Бокс/ММА

"Мен норозиман" — Энтони Жошуа Жейк Полга қарши жанг ҳақида

Супероғир вазнда IBF, WBA, WBO ва IBO йўналишларида собиқ жаҳон чемпиони Энтони Жошуа WBA рейтингида 14-ўринни эгаллаб турган Жейк Полга қарши жангга тўхталди.

Британиялик боксчи ғалаба қозонганидан норози бўлганини тан олди. Энтони Жейкни олтинчи раундда нокаутга учратганди.

"Мен яхшироқ чиқиш қилишим керак эди. Бу ғалаба, лекин муваффақият эмас. Менимча, мураббийим мендан кўпроқ нарса кутган бўлса керак. Лекин нима ҳам қила олардик? Вақтни орқага қайтариб бўлмайди. Мен олдинга интилишим керак. Буни ўтмишда қолдиришим керак. Бу ғалаба ҳисобига яшай олмайман. Мен кўп нарсани ўрганишим лозим. Шундай экан, ҳа, мен ўтказган жангимдан норозиман", - дея Жошуанинг сўзларини келтиради BoxingScene портали.