20 мар 14:43
Янгиликлар

Бокс/ММА

"Менинг ўлжам. Қолган ҳеч ким аралашмасин". Хамзат Чимаев рақибини аниқлаб олди

Асли келиб чиқиши чеченистонлик бўлган Хамзат Чимаев ўзининг ижтимоий тармоқдаги саҳифаларига янги пост жойлади.

Унда швециялик жангчи британиялик чемпион Леон Эдвардсга қарши октагонга чиқиш истагини билдирган.

"Менинг ўлжам. Қолган ҳеч ким аралашмасин", — дея хабарда Эдвардсни белгилаган Чимаев.

Эслатиб ўтамиз, Леон Эдвардс сўнгги жангида собиқ чемпион Камару Усманни иккинчи маротаба мағлубиятга учратиб, ўз камарини муваффақиятли ҳимоя қилган эди. Беш раунд тўлиқ давом этган жангда Леон 48-46, 48-46, 47-47 ҳисобларида номдор рақибидан устун келганди.

Хамзат Чимаев эса сўнгги жангини ўтган йилнинг сентябрь ойида АҚШ вакили Кевин Холландга қарши ўтказиб, рақибини биринчи раунднинг ўзида бўғиб қўйган эди.