Мераб Двалишвили ҳомийлар ҳақида: "Бу ерга келиш осон бўлмаган"

Унинг айтишича, ҳозир унга кўплаб ҳомийлар келмоқда, аммо шу даражага келиш учун вақт керак бўлган.

"Ҳомийлар мени ўз брендларининг элчиси бўлишимни хоҳлашади. Бензин, кийим-кечак компаниялари, соатлар (соатини кўрсатиб) ва ҳоказо. Бу соатда менинг логотипим яширинча туширилган, бу махсус буюртма асосида тайёрланган. Бепул кийим-кечак, бепул машина, бепул соат. Ҳамма менга ҳомийлик қилмоқчи.

Лекин бу ерга етиб келиш осон бўлмади. Мен меҳнат фаолиятимни қурувчиликдан бошладим. Тиришқоқлик билан ишладим ва ҳаётимда бор бўлган ҳамма нарсани ўзим топдим. Аммо ҳозир менинг исмим, менга ғамхўрлик қиладиган кўплаб ҳомийлар бор. Ўзимни яхши ҳис қиляпман", - деди Двалишвили Х ижтимоий тармоғидаги Red Corner MMA аккаунтида эълон қилинган видеода.