16 июн 07:48
Янгиликлар

Теннис

Mersedes Cup. Истомин қанча сумма ва рейтинг очкосига эга бўлди?

Германиянинг Штутгарт шаҳрида ўтказилаётган теннис бўйича нуфузли “Mersedes Cup” турнири ўз якуни сари яқинлашмоқда.

Майсали кортлардаги ушбу мусобақада ҳамюртимиз Денис Истомин чорак финалга қадар етиб келганди. Мамлакатимизнинг биринчи ракеткаси ярим финал остонасида турнирда иккинчи рақам остида таснифланган франциялик Лукас Пуилга 4:6, 7:6, 3:6 ҳисобида имкониятни бой бериб қўйганди.

Истомин илк босқичда турнирнинг бешинчи ракеткаси германиялик Филипп Кольшрайберни, кейин эса яна бир олмон теннисчиси Флориан Майерни мағлубиятга учратиб, мусобақадан чиқариб юборганди.

Mersedes Cup турниридаги муваффақиятли иштирок Денис Истоминга 19 020 евро мукофот пули ҳамда қимматли 45 рейтинг очкосини тақдим этди. Айни пайтда Денис дунё рейтингида роппа-роса 100-ўринни эгаллаб турибди.