04 июл 10:27
Янгиликлар

Футбол

Месси жаҳон чемпионатларида ҳеч кимга насиб этмаган иккита рекорд ўрнатди

Аргентина терма жамоаси етакчиси Лионель Месси ЖЧ-2026 1/16 финалида Кабо-Верде дарвозасига биринчи бўлимда гол уриб, жаҳон биринчиликларининг бир нечта ноёб рекордларини янгилади.

Месси футбол тарихида иккита алоҳида жаҳон чемпионатида 7 тадан гол урган илк футболчига айланди. Шунингдек, у нуфузли терма жамоалар турнирининг барча босқичларида гол уришга муваффақ бўлган биринчи ўйинчи бўлди: Лионель ЖЧнинг барча учта гуруҳ босқичи ўйинида, шунингдек, 1/16 финалдан бошлаб то финал баҳсигача бўлган барча босқичларда ўз номини таблога ва тарихга ёздириб қўйган.

Маълумот учун, 39 ёшли Месси миллий терма жамоадаги фаолияти давомида жами 124 та гол ва 64 та голли узатмага муаллифлик қилган.