14 июн 20:10
Янгиликлар
Бокс/ММА
Мейвезернинг уйини тўнаб кетишди. Флойд ўғрилик ҳақида маълумот берганга катта пул ваъда қилди
Беш вазн тоифасида собиқ чемпион Флойд Мейвезер ўз инстаграм саҳифасида Вегасдаги уйи тўнаб кетилгани ҳақида маълум қилди ва ўғри ҳақида маълумот берган инсонга 100000 доллар мукофот ваъда қилди.
"Уй бу инсон учун шахсий чегара, ором оладиган макон. Кимдир сизнинг ушбу чегарангизни бузиши, жуда оғриқли ва ачинарли ҳолат.
Лас-Вегасдаги уйларимдан бирини ўмариб кетишди. Улар мен учун жуда қадрли бўлган буюмларимни ўғирлаб кетишди. Мен эса ҳозир айнан шу ўғрилик ҳақида қандайдир маълумот, фойдали хабар етказадиган инсонга энг камида 100.000$ мукофот пули эълон қилмоқчиман. Ушбу маълумотни келтирувчиларга олдиндан раҳмат", - деб ёзади Флойд Мейвезер.
Ҳавола :
Манба : @floydmayweather
Фикрлар