25 мар 09:38
Янгиликлар

Теннис

Miami Open. 20 ёшли Кори Гофф 1/8 финалга чиқди

Дунёнинг учинчи ракеткаси Кори Гофф АҚШнинг Майами шаҳрида давом этаётган WTA 1000 тоифасига кирувчи турнирнинг нимчорак финал иштирокчисига айланди.

Америкалик 20 ёшли иқтидор эгаси учинчи даврада WTA рейтингида 84-поғонада бораётган франциялик Осеан Доденни мағлубиятга учратди - 6/4, 6/0. Бу теннисчиларнинг ўзаро ўтказган илк учрашуви эди.

Олтмиш беш дақиқа давом этган баҳсда Гофф 6, Доден 2 та эйс зарбасни амалга оширган. Қўшхатолар Осеанда уч баробар кўпроқ бўлди - 9 га 3. Брейклар бўйича устунлик табиийки, Кори фойдасига - 5 га 1.