27 мар 11:34
Янгиликлар

Теннис

Miami Open. Қозоқ тенниси маликаси 1/2 финалга йўл олди

АҚШнинг Майами шаҳрида теннис бўйича WTA 1000 тоифасига кирувчи нуфузли турнир давом этмоқда.

Умумий мукофот жамғармаси 8,9 миллион долларни ташкил этувчи мусобақада ярим финал иштирокчилари маълум бўляпти. Дунёнинг тўртинчи ракеткаси, қозоғистонлик Елена Рибакина 1/4 финалда рейтингда ўзидан тўққиз поғона пастда бораётган грециялик Мария Саккарига қарши баҳс олиб борди.

Икки соату 49 дақиқа давом этган учрашувда Рибакина рақибасини қийинчилик билан мағлубиятга учрата олди - 7/5, 6/7(4), 6/4. Теннисчиларнинг ўзаро учрашувларида Рибакина олдинда бормоқда - 3:1.

Учрашув статистикаси:

Елена Рибакина - 10 та эйс, 5 та қўшхато, 5 та брейк-пойнт

Мария Саккари - 4 та эйс, 8 та қўшхато, 3 та брейк-пойнт

Энди Елена Рибакина Майами турнирининг финал чиптаси учун беларуслик Виктория Азаренкога қарши кортга чиқади.