22 мар 13:10
Янгиликлар

Теннис

Miami Open. Қозоқ тенниси маликасида қийин ғалаба

Сайёрамизнинг тўртинчи ракеткаси Елена Рибакина Майами шаҳрида ўтказилаётган WTA 1000 тоифасига кирувчи турнирнинг учинчи даврасга йўл олди.

Қозоғистонлик теннис маликаси иккинчи даврада WTA рейтингида 91-поғонадан жой олган даниялик Клара Таусонни қийинчилик билан мағлубиятга учратди - 6/3, 5/7, 6/4. Теннисчиларнинг ўзаро учрашувларидаги ҳисоб 2:0 кўринишига келди.

Икки соату 28 дақиқа давом этган баҳсда Рибакина 6, Таусон 2 та эйс зарбасини амалга оширди. Қўшхатолар данияликда кўпроқ бўлди - 7 га 5. Иккала теннисчи ҳам 5 тадан брейкни амални оширган.

Энди Рибакина Miami Open 1/16 финалида америкалик Тэйлор Таунсендга қарши кортга чиқади. Тэйлор иккинчи босқичда бельгиялик Элизе Мертенсдан устун келди - 6/2, 6/2.