02 апр 18:42
Янгиликлар

Футбол

"Милан" ЕЧЛга чиқа олмаса, Тео жамоадан кетмоқчи

Агарда "Милан" ЕЧЛга йўлланма ололмаса ҳимоячи Тео Эрнандес ёзда жамоадан кетиши мумкин.

25 ёшли франциялик футболчи ушбу мавсум олдидан шартномани 2026 йилгача узайтирганди. Аммо айтилишича, айни дамда Эрнандес учун АПЛ клуби 75-80 млн евро атрофидаги сумма таклиф қилмоқда. Агарда бу таклиф ўз кучида қолса, "Милан" вице-сардори ёзда лигасини ўзгартириши мумкин.

"Eurosport" хабарига кўра, "Милан" спорт директорлари Паоло Мальдини ва Фредерик Массара Теонинг ўрнига "Эмполи"нинг 22 ёшли футболчиси Фабиано Паризи ҳамда "Бенфика"нинг 27 ёшли ҳимоячиси Алекс Гримальдо номзодини кўриб чиқмоқда.

Эрнандес ушбу мавсум А Сериянинг 23 та ўйинида майдонга тушиб, 3 тадан гол ва ассист қайд этди.