Милан ва Кортина-2026. Медаллар жамғариш бўйича вазият қандай?

Хабар берганимиздек, XXV Қишки Олимпиаданинг ўн еттинчи куни еттита комплект медаллар (биатлон, конькида югуриш, фристайл (ски-кросс, акробатика, ски-хафпайп), шорт-трек ва кёрлинг) жамланмаси ўйналди.

Медаллар жамғариш бўйича ҳамон Норвегия терма жамоаси катта фарқ билан пешқадамлик қилмоқда. Скандинавияликлар 17 та олтин, 10 та кумуш, 10 та бронза, жами 37 та медаль жамғариб улгуришди. АҚШ терма жамоаси жами 29 та медалга эга: 10 та олтин, 12 та кумуш, 7 та бронза. Италия терма жамоаси ҳисобидаги умумий медаллар сони 27 тага етди. Мезбонлар 9 та олтин, 5 та кумуш, 13 та бронза медалига эга бўлиб турибди.