19 окт 13:57
Янгиликлар

Бокс/ММА

Мирафзал Ахтамовнинг LFA 194 турниридаги жанги 53-сониядаёқ тўхтатилди

Бугун АҚШнинг Нью-Йорк шаҳрида ММА бўйича LFA 194 турнири ўтказилди.

Биз учун аҳамиятлиси, оқшомнинг co-main event жангида ҳамюртимиз Мирафзал Ахтамов америкалик Скотти Стокманнга қарши октагонга чиқди. Жангнинг 53-сониясидаёқ Мирафзал рақибини бўғиш усули билан таслим этди. Аслида Ахтамовга бугун Седрик Гуннисон (7-3) рақиблик қилиши керак эди, аммо у номаълум сабабларга кўра сафдан чиққанди.

Эслатиб ўтамиз, Мирафзал Ахтамов бундан аввалги жангини 2023 йилнинг 17 ноябрь куни LFA 172 турнири доирасида Кейт Доусонга қарши ўтказиб, ғалаба қозонганди. Унинг ҳисобида энди 7 ғалаба ва 1 дуранг бор. Скотти Стокман эса бугун 5-мағлубиятини қабул қилиб олди. Ҳисобидаги ғалабалари сони 10 талигича қолди.