Мишель Соронинг промоутери Курбановга қарши жангни танқид қилди

Шунингдек, россиялик Магомед Курбанов жанг олдидан вазн ўлчаш вақтида ўзини қандай тутгани ҳақида гапирди.

"Россияда ҳаммаси маскарадга ўхшарди, шу жумладан адолатсиз натижа ҳам. Жума куни тарозидан ўтилгандан кейин ҳаммаси ёмонлашди. Жанг суперўрта вазн тоифасида белгиланган эди, бироқ Курбонов вазн қила олмади. У яланғоч ҳолда тарозидан ўтди, мураббийи олдида сочиқни ушлаб турарди. Курбанов мураббийнинг қўлига суяниб алдашга уринган, буни фото ва видеолар ҳам тасдиқлайди.

Жанг барибир Мишелга товон пули берилиши билан ўтишига рози бўлдим. Мен IBF сингари, шанба куни эрталаб соат 10 да қайта тарозидан ўтишни сўрадим, чунки Курбанов 75 кгдан ошмаслиги керак эди. У 75.700 кг оғирликда эди ва у 700 граммни ташламоқчи эмасди. Мен яна молиявий компенсация талаб қилдим", - деди Зауи.