27 дек 19:04
Янгиликлар

Футбол

МЛС клуби Суаресга икки йиллик шартнома таклиф қилмоқда

"Атлетико" ҳужумчиси Луис Суарес фаолиятини океан ортида давом эттириши мумкин.

Журналист Экрем Конурнинг хабарига кўра, уругвайлик футболчи билан шартнома имзолашга "Интер Майами" клуби қизиқиш билдирмоқда.

Флорида клуби 34 ёшли футболчи билан икки йиллик шартнома имзолашга тайёр. Суарес учун курашда "Интер"нинг рақобатчиси Бразилиянинг "Коринтианс" клубидир.

Луиснинг Мадрид гранди билан тузган шартномаси 2021/22 йилги мавсум сўнггига қадар мўлжалланган. Олдинроқ, "Атлетико" раҳбарияти форвард билан хайрлашишни хоҳлаётгани маълум бўлган эди.