ММА. Жаҳон чемпионатида жамоамиз 3 та бронза медалини қўлга киритди

ММА бўйича катталар ва ёшлар ўртасидаги дунё биринчилигида ярим финал баҳслари бўлиб ўтди. Афсуски, унда иштирок этган 3 нафар вакилимизнинг ҳеч бири финалга чиқа олишмади.

Ёшлар ўртасида ака-ука Мўминжоновлар совриндорлар сафидан жой олган бўлса, катталар ўртасида Ихтиёр Холмуродов терма жамоамиз номига бронза медалини ёздириб қўйди.

-77.1 кг вазн тоифасида иштирок этган Мунис Мўминжонов финал йўлланмаси учун тожикистонлик Қосим Сардоровга қарши курашди. Афсуски вакилимиз жангда мағлуб бўлиб бронза медалига эга чиқди.

-93 кг вазнда иштирок етган Мусинжон Мўминжонов Баҳраин вакили Гаджи Гадзиевга қарши жангда мағлубиятга учраб бронза медали билан кифояланди

Катталар ўртасидаги башларнинг 120.2 кг вазн тоифасидаги вакилимиз Ихтиёр Холмуродов қозоғистонлик Расул Ҳатаевга имкониатни бой бериб қўйди ва бронза медалини қўлга киритди.