17 фев 16:02
Янгиликлар

Теннис

Монфис Роттердамда чемпионлик унвонини ҳимоя қилди

Нидерландиянинг Роттердам шаҳрида теннис бўйича нуфузли ATP турнири якунланди.

Дунёнинг тўққизинчи ракеткаси бўлиб турган Гаэль Монфис ҳал қилувчи финал учрашувида рейтингнинг 21-поғонасидан жой олган канадалик 19 ёшли Феликс Ожега қарши кортга чиқди. Бир соату 26 дақиқа давом этган баҳсда 33 ёшли Монфис 6/2, 6/4 ҳисобида ғалаба қозонди.

Бу теннисчиларнинг ўзаро илк учрашуви эди. Гаэль ушбу ғалаба эвазига чемпионлик унвонини ҳимоя қилди. Ўтган йилги финалда у швейцариялик Стэн Вавринкадан устун келган эди. ABN AMRO World Tennis Tournament мусобақасидаги муваффақиятли иштирок Монфисга 500 рейтинг очкоси ҳамда 406,840 евро мукофот пули келтирди.