22 окт 16:50
Янгиликлар

Теннис

Монфис Стокгольм турнири финалида ўйнайди

Дунёнинг 140-ракеткаси бўлиб турган Гаэль Монфис яна аввалги спорт формасини тиклаб оляпти.

Франциялик теннисчи Швециянинг Стокгольм шаҳрида якунига етиб бораётган ATP турнирининг финалига йўл олди. У 76 дақиқа давом этган 1/2 финал учрашувида ATP рейтингида 35-поғонада бораётган сербиялик Ласло Джерени 7/5, 6/2 ҳисобида мағлубиятга учратди.

Бу теннисчиларнинг ўзаро ўтказган илк учрашуви сифатида тарихга муҳрланди. Монфис 9, Джере 3 та эйс зарбасини ижро этган. Қўшхатолар Гаэлда кўпроқ бўлди - 3 га 2. Брейклар бўйича устунлик фаранг теннисчисида - 5 га 2, кўринишда. Бугун у бош соврин учун россиялик Павел Котовга қарши кортга чиқади.