03 авг 10:45
Янгиликлар

Теннис

Монреаль (WTA 1000). Елена Рибакина 1/4 финалга чиқди

Канаданинг Монреаль шаҳрида теннис бўйича WTA 1000 тоифасига кирувчи нуфузли турнир давом этмоқда.

Дунёнинг 12-ракеткаси бўлиб турган Елена Рибакина тўртинчи даврасида WTA рейтингида 35-ўринни эгаллаб турган украиналик Даяна Ястремскаяни уч сет натижасига кўра мағлубиятга учратди - 5/7, 6/2, 7/5. Бу теннис маликаларининг ўзаро ўтказган иккинчи учрашуви бўлди - 2:0.

Икки соату 33 дақиқа давом этган баҳсда Рибакина 7, Ястремская 4 та эйс зарбасини амалга оширган. Иккала теннисчи ҳам етарлича қўшхатога йўл қўйишди - 9 га 7, Елена "фойдасига". Энди қозоғистонлик теннисчи 1/2 финал чиптаси учун бошқа бир украиналик иштирокчи Марта Костюкка қарши кортга чиқади.