МОҚ ходимлари бадминтон бўйича беллашишди + ФОТО

Президентимизнинг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида» ПФ-6099 фармони ижросини таъминлаш мақсадида МОҚ ходимлари ўртасида ҳафтанинг дам олиш кунлари спорт турлари бўйича турнирлар ўтказилмоқда. 

Кеча ана шундай мусобақалардан бири бадминтон бўйича ташкил этилди.

Таъкидлаш жоиз, бу галги турнирда нафақат ходимларнинг ўзлари, балки уларнинг оила-аъзолари ҳам иштирок этишди. Дўстона руҳда ўтган мусобақанинг очилиш маросимида Бош котиб Ойбек Касимов бу каби тадбирларни ташкил этишнинг саломатлигимизга бўлган ижобий таъсири ҳақида тўхталиб, ундаги иштирокчиларга омад тилаб ўтди.

Беллашувлар якунида эркаклар ўртасида Бош котиб ёрдамчиси Маҳмуд Тоштемиров, аёллар ўртасида эса молия-иқтисод департаменти етакчи мутахассиси Саида Имангалиева биринчи ўринни қўлга киритишди.