Москвадаги бокс оқшомининг оғир вазндаги жанги тўлиқ давом этди

"ЦСКА Арена" мезбонлик қилган оқшом доирасидаги қизиқарли жанглардан бири биринчи оғир вазн (90,7 кг.гача) тоифасида ўтказилиб, унда россиялик боксчилар - Сослан Асбаров (4-0, 1 KO) ҳамда Алексей Папин (15-1 14 KO) ўзаро тўқнаш келишди. 

Ўн раунд тўлиқ давом этган жангда Асбаров рақибини 96-93, 99-90, 98-91 ҳисобларида мағлубиятга учратди. 31 ёшли Сослан Асбаров 2022 йилда проф боксда дебют қилган, унгача асосан қўлқопсиз жангларда иштирок этиб келган. 

У чемпионлик камари учун собиқ даъвогар Дмитрий Кудряшовни шов-шувли тарзда мағлуб этганидан кейин кўпчиликнинг эътиборини ўзига қаратганди. Бундан аввалги жангини эса шу йилнинг март ойида америкалик Брэндон Глэнтон (18-2, 15 KO)га қарши ўтказиб, ғалаба қозонганди.