19 май 12:38
Янгиликлар

Футбол

Моуриньо фаолиятида 6-марта Еврокубок финалига чиқди. У финалда ҳеч қачон ютқазмаган

Жозе Моуриньо мураббийлик фаолиятида 6-марта ўз жамоасини Еврокубок финалига олиб чиқди.

Европа лигаси ярим финалида "Рома" икки ўйин натижасига кўра "Байер"ни таслим қилди (1:0, 0:0) ва финалга чиқди.

Португалиялик мураббий фаолиятида 6-марта еврокубок финалига чиқди. Бунгача мураббий финалларда ютқазмаган – Моуриньо "Порту" билан УЕФА кубоги ва Чемпионлар лигаси, "Интер" билан Чемпионлар лигаси, "Манчестер Юнайтед" билан Европа лигаси ва "Рома" билан Конференциялар лигасида ғолиб бўлган.

Европа лигаси финали 31 май куни Будапештда бўлиб ўтади. Унда "Рома" "Севилья"га қарши майдонга тушади.