Мовсар Евлоев чемпионлик жангидан кейин фаолиятини якунлаши мумкин

Агар Мовсар Евлоев ярим енгил вазн тоифасида Александр Волкановскига қарши жангда  UFC чемпиони бўла олмаса, у профессионал жангчилик фаолиятини якунлаши мумкин. Бу ҳақда россиялик спортчи австралиялик рақибининг "агар муваффақиятсиз чиқиш қилсам, фаолиятимни якунлайман", деган сўзларига изоҳ берар экан, маълум қилди.

"Худди шундай!", – деб ёзди Евлоев янгилик остидаги изоҳида.

Мағлубият нималигини билмай келаётган Мовсар чемпионлик жангига UFC`даги ўнинчи ғалабали серия билан яқинлашмоқда. У ўзининг сўнгги жангида, яъни норасмий даъвогарлик мақомига эга баҳсда, ҳакамларнинг кўпчилик овози билан британиялик Лерон Мерфини мағлуб этган эди.