06 сен 17:20
Янгиликлар

Бокс/ММА

MPL 8 турнирида илк ўзбек-қозоқ қарама-қаршилиги эълон қилинди + ПОСТЕР

MPL 8 турнирининг яна бир жанги эълон қилинди.

16 сентябрь куни пойтахтимизда ташкил этиладиган мазкур ММА мусобақасининг яна бир тўқнашуви маълум бўлди.

Унга кўра, энг енгил вазн тоифасида ўзбекистонлик аралаш яккакураш устаси Жавоҳир Нарзуллаев қозоғистонлик Владимир Пермьяков билан тўқнаш келади. Жанг 3 раунд этиб белгиланган.

Нарзуллаев ўзининг сўнгги жангини ўтган йилнинг июль ойида ATFC 12 турнирида Мусохон Абдуллаевга қарши ўтказиб, ғалаба қозонган эди. Владимир Пермьяков эса охирги жангини ўтган йилнинг февраль ойида ўзбекистонлик Мирсаид Сапаровга қарши ўтказиб, мағлуб бўлган.

Маълумот учун, MPL 8 мусобақасининг марказий жанги ўзбекистонлик Шоҳасан Мирзаматов ва россиялик Хамзат Чапанов ўртасида кечади.