19 дек 09:09
Янгиликлар

Теннис

Mubadala World Tennis Championship. Учинчи ўринга кимга насиб этди?

Теглар : Каспер Рууд Mubadala World Tennis Championship

Хабар берганимиздек, БАА пойтахти Абу-Даби шаҳрида теннис бўйича кўргазмали турнир ўтказилди.

Бош соврин дунёнинг тўртинчи ракеткаси Стефанос Циципасга насиб этди. Грециялик теннис финал баҳсида ATP рейтингида 8-ўринни эгаллаб турган россиялик Андрей Рублёвни уч сет натижасига кўра мағлубиятга учратган эди.

Mubadala World Tennis Championship турнирининг учинчи ўрин учун ўтказилган баҳсида эса дунёнинг учинчи ракеткаси, норвегиялик Каспер Рууд жаҳон рейтинги пешқадами, испаниялик Карлос Алькараздан устун келди - 6/1, 6/4.

Рууд теннисчиларнинг ўзаро учрашувларидаги ҳисобни қисқартирди - 2:3. Бир соату 8 дақиқа давом этган баҳсда Рууд 2 та эйс, 4 та брейкни амалга оширди. Қўшхатога йўл қўймади.