24 окт 17:52
Янгиликлар

Бокс/ММА

Муҳаммад Алининг набираси ҳамда Холифилднинг ўғлида нокаутли ғалаба

Бокс афсоналарининг давомчилари ота ва боболарига муносиб издош бўлишга ҳаракат қилишяпти.

Жумладан, бугун ўтказилган бокс оқшомида афсонавий Муҳаммад Алининг набираси Нико Али Уолш ҳамда Эвандер Холифилднинг ўғли Эван ўз жангларини нокаут билан якунлашди.

Нико учинчи раунднинг бошида Жеймс Уэстлини нокаутга учратди. Иккинчи раундда у рақибини нокдаун ҳолатига ҳам тушириб қўйганди. Бу унинг фаолиятидаги иккинчи жангидаги иккинчи муддатидан олдин қозонилган ғалабаси бўлди.

Эван эса иккинчи раундда Чарльз Стэнфордни нокаутга учрата олди. Рефери иккинчи раунднинг 30-сониясида жангни тўхтатди. Бу Холифилд ўғлининг проф рингда кетма-кет қозонган саккизинчи ғалабаси эди.