03 янв 14:26
Янгиликлар

Спорт курашлари

Муҳаммад Мокаев ҳам кураш турнирида қатнашадиган бўлди, рақиб жиддий (ПОСТЕР)

Тошкент вақти билан 1 март тонгида АҚШнинг Аризона штати Темпе шаҳрида профессионал эркин кураш бўйича RAF 6 (Real American Freestyle) турнири бўлиб ўтади.

Мусобақада Буюк Британия шарафини ҳимоя қилувчи собиқ UFC жангчиси Муҳаммад Мокаев ҳам иштирок этади. У ўша куни PFL'да фаолият олиб борувчи америкалик Брайс Мерредитга қарши гиламга чиқади. Мерредит NCAA Лигасида икки карра, All-American ташкилотида эса эркин кураш бўйича уч карра чемпион саналади.

Аввалроқ, турнирнинг марказий баҳсида Генри Сехудо Юрайя Фэйбер билан беллашиши ҳақида хабар берилганди.